Skrift hat mar ien nûmer, mar dat Skrift-nûmer wol beslist ta 1.000.000 artikels groeie. Artikels fan jo foar de wrâld. Wij hawwe, foar jo gemak, dêrta rom ynfestearre. Publisearje no   

Skrift klinkt as it skrassen fan de skerpe griffel, de skerpte fan de wurden op de siele, it koarte skerpe lûd ek fan de tongerslach dy't neist jins fuotten ynslacht. Sa is it ek bedoeld. It is in tige anargistysk tiidskrift der't  alle Friezen har geastelike wjerljocht yn spatte kinne.

Elkenien dy't him skriuwendewei úterje wol, sûnder dy nuvere ballotaazje fan betterwitters, mei har yn Skrift úterje. Fansels wol neffens de nettikette, mar it mei bêst op it skerp fan literêr en kritysk.

De redaksje fan Skrift hat keazen foar in echt iepen foarm. Ommers ynternet is fan elkenien, it is licht anargistysk en we moatte it mei-inoar foarm jaan,
De artikels yn Skrift sille setten wurde in de rubriken literatuer en maatskippij. At it ferskaat groeit, wurdt it tal rubriken útwreide.

At jo in artikel ynstjoere nei Skrift meie jo in suggestje mei jaan foar de rubryksyndieling. 
Ynstjoere mei anonym, mar at jo der in namme en foto bij hawwe wolle dan sette wij beide. Alles graach per email, want at wij it skanne litte, kostet it in pear tientsjes. 

Jo artikel komt yn earsten gewoan sûnder seleksje boppe-oan yn Skrift te stean, salang der gjin folgjend artikel ynstjoerd is.
Echt literêre pinksterblommen yn Skrift of artikels fan skriuwers dy't earne oars in protte publisearje, sille as sadanich in fleurich keurmerk krije. De redaksje fan Skrift sjurearret dêrút foar in jierlikse ûnderskieding, Dêr is fansels in jildpriis oan ferbûn. Oer de oare artikels is it oardiel altyd, dat de kwaliteit prima is. Wa 't skriuwt, bliuwt.

Jo Redaksje